નંદજીના પ્યારા જશોદાને વાલા
ઝૂલવા આવો આજ હિંચકો બાંધ્યો છે.
સોનાનો હિંચકો રૂપલાના કળા
મોતીડાની દોરી હાથ - હિંચકો બાંધ્યો છે.
જશોદાના લાલા લાગો મને વાલદ
સુણજો મારી વાત - હિંચકો બાંધ્યો છે.
રેશમની ગાદી રેશમના તકીયા
રેશમના ગાલમસૂરિયા - હિંચકો બાંધ્યો છે.
ગોપીઓ આવશે માખણ લાવશે
જમાડે જમણે હાથ - હિંચકો બાંધ્યો છે.
ગવરી ગાયના દૂધડા લાગે બહુ મીઠડા
મિસરી નાખીસ માય - હિંચકો બાંધ્યો છે.
ના શરમાશો વેલા વેલા આવજો
આવજો રાધાજીની સાથ - હિંચકો બાંધ્યો છે.
અષાઢી લો મેહુલો ઝરમર વરસે
વરસે આખી રાત - હિંચકો બાંધ્યો છે.
વૈશ્નવો પધાર્યા વેલા વેલા આવજો
વાટ જોઉ છું દિનરાત - હિંચકો બાંધ્યો છે.
0 Comments